АКТУЕЛНО

МОДНА РЕВИЈА НА РАЧНО ИЗРАБОТЕНИ ПРОИЗВОДИ

25ти Април 2007- Во просториите на Безистен во општина Штип ППЦ Штип организираше ревија на рачно изработена облека финансиски подржано од GTZ REDEM I INWENT, Германија. Гостите имаа можност да видат 20 модели изработени со користење на техниките на ткаење, плетење, поентлес, цртање на ткаенина, филц.

Ревијата беше медиумски покриена од ТВ Ирис, додека несебична подршка дадоа и спонзорите АД Баргала Штип, Фото студио-Фото Трајче, Фризерското студио Оле и фризерското студио Диор.

ОБУКА ЗА КОМУНИКАЦИЈА И ТИМСКА РАБОТА И ЛИДЕРСТВО

Во периодот од 13-15 Април 2007 година ППЦ Штип организираше обука за комуникација и тимска работа и лидерство за членовите на Младинските Урбани Совети од општина Штип. 25 млади имаа можност да ги изградат своите комуникациски вештини како и време за дружење.

АКЦИОНЕН ПЛАН ЗА МЕНАЏИРАЊЕ

СО ЦВРСТ ОТПАД НА ОПШТИНА ШТИП

Центарот за    Пермакултура и Мироградба ППЦ - Штип, во рамките на проектот Заедно до почиста животна средина, финансиран од страна на  Регионалниот Центар за заштита на животната средина за Централна и Источна Европа, реализираше повеќе проектни активности, меѓу кои беше и изготвувањето на Акционен План за менаџирање со цврстиот отпад во Општина Штип (првична верзија), од страна на Координативно Тело.

Во основа, при изготвувањето на Акциониот План, беше ставен акцент на јавната партиципација во процесот на донесување на одлуки, поврзани со заштитата на животната средина, што всушност претставува имплементација на Вториот столб на Архуската Конвенција, чиј потписник е и Р. Македонија.

Заради остварување на  проектната цел: Воспоставување на систем за менаџирање со цврстиот отпад  во Општина Штип преку развивање на Акционен План, согласно основните принципи на јавната партиципација во процесот на донесување на одлуки, поврзани со заштитата на животната средина, првичната верзија на Акциониот План е доставена до различните засегнати страни, со што уште еднаш се дава можност граѓаните, во 14 Урбани Заедници, претставници од бизнис секторот и НВО секторот, претставниците на јавните институции, како и советничките групи,  да дадат свои коментари, забелешки и сугестии, кои ќе бидат вградени во финалната верзија на истиот.

Финално изготвената верзија на Акциониот План ќе биде доставена до Советот на Општина Штип, од страна на Комисијата за урбанизам, комуналии и екологија, чиј претседател учествуваше во неговото изготвување и воедно ќе биде ставен на усвојување.

За подетални информации во однос на Акциониот План, ве молиме следете го следниот линк: АКЦИОНЕН ПЛАН.

СВЕТСКА КОНФЕРЕНЦИЈА ЗА

РАБОТНИЦИ ДОМА

Во рамките на проектот Градење на Регионални центри за работници дома во Март 2006 година се одржа светска конференција во Штип и Охрид. На конференцијата се поставија темелите на Федерацијата на организации на работници дома од: Англија, Австралија, Индија, Непал, Чиле, Мексико, Турција, Португалија, Боливија, Гватемала итн.

ИЗЛОЖБЕНА ВИТРИНА ВО ЛОКАЛНАТА САМОУПРАВА НА ОПШТИНА ШТИПСВЕТСКА

Март 2006 во холот на локалната самоуправа на општина Штип беше отворена изложбена витрина на која можат да се видат рачно изработени производи од повеќе градови во Македонија. Изложбената витрина беше медиумски свечено најавена од страна на Градоначалникот на општина Штип.

© Copyright 2005, Permaculture and Peacebuilding Centre - branch office Shtip; Web site developed by m-ama-net